Save 20% off! Join our newsletter and get 20% off right away!

செவ்வாய் பெயர்ச்சி – பண வரவு, அதிர்ஷ்டம் பெற உள்ள ராசிகள் இதோ!

ஜோதிடத்தில் ஒவ்வொரு கிரகமும் ஒவ்வொரு முக்கிய பலனைத் தரக்கூடியதாக இருக்கின்றன. குரு, சனி, ராகு – கேது தவிர மற்ற கிரக பெயர்ச்சிகள் கவனிக்கப்படாமல் இருக்க காரணம், அந்த கிரகங்கள் குறைந்த கால அளவே ஒரு ராசியில் சஞ்சாரம் செய்வதால் கவனிப்பதில்லை. செவ்வாய் பெயர்ச்சியும் மிக முக்கிய பங்காற்றுகிறது.
​செவ்வாய் பெயர்ச்சி டிசம்பர் 5

ஒருவரின் ஆற்றல், வலிமை, ரத்தம் சார்ந்த விஷயங்களைக் கட்டுப்படுத்தக்கூடியவராகச் செவ்வாய் பகவான் அமைந்துள்ள இடமும், அவர் பார்க்கக்கூடிய இடங்களும் மிக சிறப்பான பலன்களைப் பெறக்கூடியதாக இருக்கும்.

செவ்வாய் பகவான் 4, 8 ஆகிய இடங்களுக்கு தனது சிறப்பான பலன்களும், 7ம் இடத்தை தனது பொதுப்பார்வையால் நற்பலன்களைத் தரக்கூடியவர்.

கிட்டத்தட்ட ஒன்ரறை மாதங்கள் ஒரு ராசியில் சஞ்சரிக்கக்கூடிய செவ்வாய் பகவான் அவர் அமர்ந்திருக்கும் இடத்தைப் பொருட்டு சில ராசிகளுக்கு சாதகமான பலன்களையும், சில ராசிகளுக்கு பாதகமான பலன்களையும் தருவார்.

2021 டிசம்பர் 5ம் தேதி முதல் 2022 ஜனவரி 15 வரை விருச்சிக ராசியில் சஞ்சாரம் செய்ய உள்ள செவ்வாய் எந்த ராசிகளுக்கெல்லாம் அதிர்ஷ்ட பலன்கள் தருவார் என்பதைப் பார்ப்போம்.

​கடக ராசி – விருச்சிக ராசியில் செவ்வாய் சஞ்சரிப்பதால் உங்கள் ராசிக்கு பல வகையில் சாதகமான பலன்களைத் தரக்கூடும். உங்களின் பயணங்கள் சாதகமான பலன்களைத் தரக்கூடியதாக இருக்கும். புதிய திட்டங்கள், படைப்பாற்றல் வெளிப்படும். பங்கு வர்த்தகத்தில் ஓரளவு சிறப்பான பலனைப் பெறுவீர்கள். விளையாட்டில் வெற்றி கிடைக்கும். புதிய தொழில், வியாபாரத்தை தொடங்க நினைப்பவர்களுக்கு சாதகமான பலன் தரக்கூடியதாக இருக்கும்.

திருமணமாகாதோர் தன் வாழ்க்கைத் துணையை சந்திக்க வாய்ப்புள்ளது. இருப்பினும் எந்த முடிவு எடுப்பதிலும் கவனமாக இருப்பது நல்லது.

​கன்னி ராசி – கன்னி ராசிக்கு 3ம் இடத்தில் செவ்வாய் அமர்ந்திருப்பதால் பல வகையில் நற்பலன்களை பெற்றிடுவீர்கள். உங்களின் நம்பிக்கை அதிகரிக்கும். மலைப்பாங்கான பகுதிகளுக்குச் சுற்றுலா போன்ற பயணம் செய்ய வாய்ப்புள்ளது.

மற்றவர்களின் அன்பையும், ஆதரவையும் பெறுவீர்கள். உங்கள் ஆளுமை சிறப்பாக இருக்கும். எழுத்தாளர்கள், பத்திரிக்கை துறையில் இருப்பவர்கள் சிறப்பான வளர்ச்சியைப் பெறலாம். உங்கள் மீதான மதிப்பு, மரியாதை அதிகரிக்கும். புகழ் பெறலாம். காதலர்களுக்கு நல்ல நேரம். காதல் கைக் கூடும்.

​மகர ராசி – மகர ராசிக்கு 11ம் வீட்டில் செவ்வாய் சஞ்சாரம் செய்யக்கூடிய காலம் பல நல்ல விஷயங்கள் நடக்கக்கூடியதாக இருக்கும். சமூகத்தில் மதிப்பு அதிகரிக்கும். உங்களின் நட்பு வட்டாம் விரிவுபடுத்துவீர்கள்.

வீட்டின் வயதில் முதிர்ந்தோர், அனுபவசாலிகள், மூத்த சகோதரர் வகையில் உங்களுக்கு நல்ல ஆலோசனைகள் கிடைக்கும். அவர்களின் உறவில் கவனம் செலுத்த வேண்டியது இருக்கும்.

தொழில், உத்தியோகத்தில் இருப்பவர்கள் புதிய திட்டங்களை செயல்படுத்த ஆபத்தான செயல்முறைகளைச் செய்து பார்க்கலாம். காதல் வாழ்க்கையில் ஆர்வமாக இருப்பீர்கள். தனிமையில் இருப்பவர்கள் விசேஷமாக ஒருவரை சந்திக்கலாம்.

கும்ப ராசி – கும்ப ராசியை சேர்ந்தவர்கள் தங்கள் தொழிலில் விரும்பிய வளர்ச்சியை எதிர்பார்க்கலாம். கவனத்துடன், முழு முயற்சிகளை எடுக்க புதிய உயரங்களை அடையலாம்.

உத்தியோகஸ்தர்கள் புதிய பொறுப்பு, பதவியை எதிர்பார்க்கலாம். வணிகர்கள் குறிப்பிட்ட முன்னேற்றத்தை அடைவீர்கள். பல வழியில் லாபம் ஈட்ட முடியும். மாணவர்கள் வரும் நாட்களில் முக்கிய முடிவுகளை எடுக்க வேண்டி இருக்கும்.

Tamil Cinema News App: உடனுக்குடன் சினிமா செய்திகளை உங்களது தமிழ் சினிமா ஆப்பில் நொடியில் பார்க்கலாம்.

Follow @ Google News: கூகுள் செய்திகள் பக்கத்தில்  மலைஒளி இணையதளத்தை இங்கே கிளிக்செய்து ஃபாலோ செய்யுங்கள்.செய்திகளை உடனுக்குடன் பெறுங்கள்.

Subscribe to our Youtube Channel Appappo Cinema for the latest Kollywood updates.