Save 20% off! Join our newsletter and get 20% off right away!

வாழ்க்கையை சலிப்புடன், மந்தமாக பார்க்கும் ராசிகள் யார் தெரியுமா?

சிலர் கஷ்டங்கள் இல்லையென்றால் வாழ்க்கை அலுத்துவிடும் என்பார்கள். சிலர் எப்போதும் கஷ்டம் மட்டுமே இருப்பதாக புலம்புவதும் உண்டு.

எப்படிப்பட்ட கடினமான சூழலாக இருந்தாலும் மன மகிழ்ச்சியுடனும், வாழ்க்கையை சளிப்பாக உணராமல் இருந்தாலே வாழ்க்கை வசந்தமாகும்.
வாழ்க்கையை சுவாரஸ்யமாக்க வழிகள்

15 வருடங்களுக்கு முன்பெல்லாம் மக்கள் பொழுதுபோக்கு மிகவும் குறைவாக இருந்தது. ஒரு சில தொலைகாட்சி நிகழ்ச்சிகள். ஓரிரு வானொலிகள் இருந்தன. ஆனால் இன்று 24 மணி நேரமும் பல வகை பொழுது போக்கு நிகழ்ச்சிகளும் நூற்றுக்கணக்கான சேனல்கள் வந்துவிட்டன.

ஆனால் சிலர் தொலைக்காட்சி, பாடல் கேட்பதைத் தாண்டி சில சாகச பயணங்கள், கேளிக்கை நிகழ்ச்சி போன்றவற்றில் ஈடுபட விரும்புவார்கள்.

இப்படி வாழ்க்கையை சுவாரஸ்யமாக்க எல்லாவற்றையும் தாண்டி குடும்ப உறுப்பினர்கள் குழந்தைகள் என இருந்தாலும் சிலரோ வாழ்க்கையை எப்போதும் சலிப்புடனும், மந்தமான மனநிலையும் இருப்பார்கள்.

இவர்களிடம் எந்த வேடிக்கையோ, பொழுதுபோக்கோ இல்லாமல், வலுமிகுந்த சலிப்பான அணுகுமுறை கொண்டவர்களாக இருப்பார்கள். இப்படி வாழ்க்கையை சலிப்பாக உணரும் 4 ராசிகள் யார் என்பதைப் பார்ப்போம்.

​ரிஷபம்

ரிஷப ராசியினர் பலர் பார்க்க, பழக மிகவும் விரும்பத்தக்கவர்களாக இருப்பார்கள். இருப்பினும் இந்த ராசியில் இருக்கும் சிலரோ தன்னுடைய வாழ்க்கையை எப்போதும் தீவிரமாக எடுத்துக் கொண்டு அணுகுவர். எப்போதும் டென்சனோடுன் இருப்பார்கள். அதனால் என்ன தான் கலகலப்பான நபராக நடந்து கொள்ள வேண்டும் என நினைத்தாலும், அவர்கள் தங்களைத் தாங்களே கட்டுப்படுத்திக் கொள்வார்கள்.

உண்மையில் நல்ல நகைச்சுவை பார்த்தாலும், கேட்டாலும் அதற்கு சிரிக்கவோ, உணர்வை வெளிப்படுத்தவோ நினைக்காமல் மந்தமாக இருப்பார்கள். இதற்கு காரணம் இவர்கள் வாழ்க்கையை வேடிக்கையாக இல்லாமல், சலிப்புடன் அணுகுவதால் தான்.

​மீனம்

மீன ராசியினர் சற்று அதிகம் உணர்ச்சிவசப்படக்கூடியவர்களாகவும், ஏமாறக்கூடியவர்களாகவும் இருப்பதால், அவர்கள் அடிக்கடி மனமுடைந்து காணப்படுவார்கள். அதிகளவில் உணர்ச்சியை வெளிப்படுத்தாத இவர்கள் நல்ல நகைச்சுவைக்கு குறைவாகவே சிரிப்பார்கள்.

இவர்களின் நகைச்சுவை உணர்வும் குறைவாக இருக்கும். அதோடு எந்த ஒரு வேடிக்கையான நிகழ்வு, சாகச நிகழ்வில் கலந்து கொள்ள விரும்பமாட்டார்கள். வாழ்க்கை புத்துணர்வாக உணர உங்களின் உணர்ச்சிகளை வெளிப்படுத்த தயங்காதீர்கள்.

​துலாம்

துலாம் ராசியினர் பெரும்பாலும் சமநிலை கொண்ட மனதுடன் இருக்கக்கூடியவர்கள். இருப்பினும் இதில் சிலரோ எந்த ஒரு விஷயமும் வழக்கமான முறையில் இருக்க வேண்டும் என நினைப்பார்கள். ஆனால் வாழ்க்கையில் எந்த சூழல் எப்படி மாறும் என்பது தெரியாதல்லவா. அப்படி திடீரென சூழல்கள் மாறும் போது வாக்கை மந்தமாகவும், சலிப்பானதாக உணருவார்கள்.

நீங்கள் பொறுப்பை உணர்ந்து செயல்பட்டாலே வாழ்க்கை சீராகவும், இன்பமாகவும் இருக்கும்.
​மகரம்

ரிஷப ராசிக்காரர்களைப் போலவே, மகர ராசிக்காரர்களும் வாழ்க்கையை கொஞ்சம் சீரியஸாக எடுத்துக் கொள்ளக்கூடியவர்கள். பொறுப்புகளை சுமையாக உணர்கிறார்கள். அதே சமயம் கடுமையாக உழைக்கும் இவர்கள், தேவையான நேரங்களில் பொழுதுபோக்குக்கும், வேடிக்கைக்கும், மன மகிழ்ச்சிக்கும் நேரத்தை ஒதுக்குவது நல்லது.

எப்போதும் வேலையை மட்டும் பார்த்தால் அது சுமையாக மட்டுமே தோன்றும். அதையும் தாண்டி உலகம் உள்ளது என்பதை மறந்துவிட வேண்டாம்.

Subscribe to our Youtube Channel Appappo Cinema for the latest Kollywood updates.