Homeசெய்திகள்முகூர்த்த நேரத்தில் நடனமாடிய மணமகன்! வேறொருவரை கரம்பிடித்த மணப்பெண்

முகூர்த்த நேரத்தில் நடனமாடிய மணமகன்! வேறொருவரை கரம்பிடித்த மணப்பெண்

ராஜஸ்தான் மாநிலம் சுரு மாவட்டத்தை சேர்ந்த சுனில் என்ற இளைஞருக்கு திருமணம் நடைபெற இருந்தது. ராஜ்கர் அடுத்த செலானா என்ற மணமகளின் கிராமத்தில் வைத்து திருமணம் நடைபெறுவதாக இருந்தது.

இதற்காக மணமகன் உறவினர்கள் மணமகளின் கிராமத்திற்கு வந்தனர். மணமகளை வரவேற்பதற்காக இசை வாத்தியங்களுடன் மணமகள் வீட்டிற்கு ஊர்வலமாகச் செல்ல திட்டமிடப்பட்டு இருந்தது.

- Advertisement -

ஆனால் மணமகனும் அவரது நண்பர்களும் குடித்துவிட்டு டிஜே இசைக்கு நடனமாடத் தொடங்கியதாக சொல்லப்படுகிறது. இதனால் ஊர்வலம் பல மணி நேரம் தாமதமாகியுள்ளது.

திருமண முகூர்த்த நேரம் நெருங்கிய வேளையிலும் திட்டமிடப்பட்ட மணமகன் வரவில்லை. இதனால் விரக்தியடைந்த மணப்பெண் ஊர்வலத்தை திருப்பி அனுப்ப முடிவு செய்தார்.

- Advertisement -

இதனை அடுத்து மணமகளின் குடும்பத்தினர் அவருக்கு வேறொரு இளைஞருடன் திருமணம் செய்து வைத்தனர். இதை அறிந்த மணமகனின் குடும்பத்தினர் அதிர்ச்சி அடைந்துள்ளனர். இதனால் ராஜ்கர் காவல் நிலையத்திற்கு மணமகளின் குடும்பத்தினர் மீது மணமகன் குடும்பத்தார் புகார் அளித்துள்ளனர்.

இதனால் காவல் நிலையத்தில் இரு வீட்டாரையும் அழைத்து போலீசார் பேச்சு வார்த்தை நடத்தினர். அப்போது, திருமண நாளன்றே மணமகன் மது குடித்து விட்டு தாமதமாக வந்ததால், தனது மகளின் எதிர்காலத்தை கருத்தில் கொண்டு இந்த முடிவை எடுத்ததாக மணமகளின் பெற்றோர் தெரிவித்துள்ளனர்.

இதனால் மணமகன் வீட்டாரை சமாதானம் செய்து போலீசார் அனுப்பி வைத்தனர். திருமணத்துக்கு மணமகன் மதுபோதையில் தாமதமாக வந்ததால், மணமகளுக்கு வேறு ஒருவருடன் திருமணம் நடந்த சம்பவம் அப்பகுதியில் பரபரப்பை ஏற்படுத்தியுள்ளது.

 

Tamil Cinema News App: உடனுக்குடன் சினிமா செய்திகளை உங்களது தமிழ் சினிமா ஆப்பில் நொடியில் பார்க்கலாம்.

Follow @ Google News: கூகுள் செய்திகள் பக்கத்தில்  மலைஒளி இணையதளத்தை இங்கே கிளிக்செய்து ஃபாலோ செய்யுங்கள்.செய்திகளை உடனுக்குடன் பெறுங்கள்.

Subscribe to our Youtube Channel Appappo Cinema for the latest Kollywood updates.

RELATED ARTICLES

Most Popular