Fri, May7, 2021

சுரேஷ் சக்ரவர்த்தி அவுட்.. கமல்ஹாசன் மறைமுகமாக சொன்ன காரணம்

பிக் பாஸ் வீட்டில் இருந்து சுரேஷ் சக்ரவர்த்தி வெளியேற்றப்பட்டு இருக்கிறார்.

ஆரி மற்றும் பாலாஜி இருவரும் சண்டை இன்றும் தொடர்ந்து நடந்தது. இருவரும் மிக ஆக்ரோஷமாக மாறி மாறி குற்றம் சாட்டி கொண்டனர். பாலாஜிக்கு ஆதரவாக சம்யுக்தா பேசினார். ஆரியை அவரும் தாக்கி பேசினார்.

நீதிமன்ற டாஸ்கில் பாலாஜிக்கு மட்டும் சுசித்ரா அதிக சுதந்திடம் கொடுத்ததாகவும், சனம் ஷெட்டி பேசும்போது மிகவும் கோபப்பட்டு வெளியில் போகும்படி சொன்னது ஏன் என கமல் சொன்னார்.

மேலும் சம்யுக்தா கேப்டன் என்பதால் அவர் சொல்வதை கேட்டு சுசித்ரா சொன்னது பற்றியும் கமல் கேட்டார். அதற்கு பதில் கூறிய சுசித்ரா தனக்கு பிக் பாஸ் ஷோவில் favorite இருக்கிறார்கள் என்றும் அது இந்த டாஸ்க்கிலும் தெரிந்திருக்கும் என ஒப்புக்கொண்டார்.

கோர்ட் டாஸ்கில் ஜித்தன் ரமேஷ் ஆடியன்ஸ் போல படுத்துக்கொண்டே இருந்தது பற்றி கமல் கேட்டார். அதற்கு பதில் கூறிய ரமேஷ், ‘இரண்டு தரப்பும் மாறி மாறி பேசிக்கொண்டு இருந்தார்கள். நான் சென்றாலும் பேச வாய்ப்பு கொடுக்கவில்லை. பின்னே தள்ளி விட்டார்கள். அதனால் தான் வந்து அமர்ந்து ரசித்துக்கொண்டிருந்தேன் என்று ஜித்தன் ரமேஷ் கூறினார்.

இந்த வாரம் 7 பேர் நாமினேஷனில் இருந்த நிலையில் அதில் இருந்து முதலில் அர்ச்சனா காப்பாற்றப்படுவதாக கமல் அறிவித்தார்.

சனம் ஷெட்டியுடன் நடந்த பிரச்னையை நான் மறந்துவிட்டேன். ஆனால் நான் baggage carry செய்கிறேன் என சொல்கிறார்கள் என பாலாஜி கூறினார். அதன் பின் பேசிய சனம் ஷெட்டி இன்று பாலாஜி சேரை தள்ளிவிட்டு சென்றது பற்றி கூறினார்.

அர்ச்சனா ஏற்கனவே காப்பாற்றப்பட்ட நிலையில் அதன் பின் ஆரி, பாலாஜி முருகதாஸ், அனிதா ஆகியோர் காப்பாற்றப்படுவதாக கமல் அறிவித்தார். அதன் பின் சனம், சுரேஷ் சக்ரவர்த்தி மற்றும் சாம் ஆகியோர் மட்டும் தான் பாக்கி இருந்தனர். அதில் இருந்து சுரேஷ் வெளியேற்றப்படுவதாக கார்டை காட்டி கமல் அறிவித்தார்.

சுரேஷ் பிக் பாஸில் இருந்து மகிழ்ச்சியாக வெளியில் வந்து கமல்ஹாசனிடம் பேசினார். வீட்டுக்குள் இருக்கும் போட்டியாளர்களிடமும் அவர் பேசி தன் அறிவுரையை வழங்கினார்.

சுரேஷ் வெளியேற ஒரு காரணம் இருக்கிறது என அவரே வெளியில் வரும் முன்பு சனம் ஷெட்டியிடம் கூறினார். அதே போல கமல்ஹாசனும் ‘அந்த காரணம் சுரேஷாக கூட இருக்கலாம் எனவும், அது பற்றி விவாதியுங்கள் என்றும் தெரிவித்துள்ளார்.

கமல் கூறுவதை பார்த்தால் சுரேஷ் தான் பிக் பாஸிடம் பேசி இப்படி எவிக்ட் செய்ய வைத்திருக்கிறார் என்பது தெரிகிறது.

மேலும் செய்திகளை உடனுக்குடன் படிக்க, மலைஒளி Android Mobile App இனை, இங்கே கிளிக் செய்து தரவிறக்கம் செய்துகொள்ளுங்கள்.

தொடர்புடைய செய்தி

மேலும் செய்திகளை உடனுக்குடன் படிக்க, தமிழ் செய்தி Android Mobile App இனை, இங்கே கிளிக் செய்து தரவிறக்கம் செய்துகொள்ளுங்கள்.

முகப்புக்கு செல்ல

SEITHI.LK

விளையாட்டு

செய்திகள்