Fri, May7, 2021

பிக் பாஸ் சரித்திரத்தில் முதல் முறை.. நாமினேஷனில் கிடைத்த ஜாக்பாட்!

பிக் பாஸ் நான்காவது சீசன் தொடங்கி ஒரு வாரம் நிறைவடைந்து இரண்டு வாரம் துவங்கியிருக்கிறது. முதல் வாரம் எலிமினேஷன் இல்லை என்பதால் போட்டியாளர்கள் சற்று நிம்மதியாக இருந்தார்கள்.

இதற்கான நாமினேஷன் தற்போது நடைபெற்று இருக்கிறது. கடந்த வாரம் நடந்த கடந்து வந்த பாதை டாஸ்கின் முடிவில் மொத்தம் 8 போட்டியாளர்கள் வீட்டை விட்டு வெளியேற நாமினேட் செய்யப்பட்டனர்.

சனம், ஷிவானி, சம்யுக்தா, ரேகா, ரம்யா பாண்டியன், கேப்ரியலா, ஆஜித் மற்றும் சுரேஷ் சக்ரவர்த்தி ஆகிய எட்டு பேர் அந்த டாஸ்க் முடிவில் நாமினேஷன் லிஸ்டில் சேர்க்கப்பட்டனர்.

ஆனால் சுரேஷ் சக்ரவர்த்தி இந்த வாரம் வீட்டின் தலைவராக தேர்ந்தெடுக்கப்பட்டதால் அவர் நாமினேசனில் இருந்து தப்பித்தார்.

மீதம் இருக்கும் ஏழு பேரை மட்டுமே நாமினேட் செய்ய முடியும் என கட்டுப்பாடுடன் நேற்று நாமினேஷன் ப்ராசஸ் நடைபெற்றது.

கன்பெஷன் ரூமுக்கு சென்று போட்டியாளர்கள் பெரும்பாலும் சனம் ஷெட்டி மற்றும் ஷிவானியின் பெயரை நான் தேர்ந்தெடுத்தார்கள்.

ஆனாலும் இறுதியில் மொத்தம் 7 போட்டியாளர்களும் நாமினேஷன் லிஸ்டில் சேர்க்கப்படுவதாக அறிவிக்கப்பட்டது.

இந்நிலையில் இன்றைய பிக் பாஸ் ஷோவின் ப்ரொமோ வீடியோ வெளிவந்து இருக்கிறது. அதில் பிக் பாஸ் சரித்திரத்தில் முதல் முறையாக Eviction Free Pass என்ற ஒன்று அறிமுகப்படுத்தப்பட்டு உள்ளது.

அதனை கடந்த வார டாஸ்கில் நாமினேட் செய்யப்பட்ட 8 போட்டியாளர்களில் ஒருவர் பெற்றுக் கொள்ள வாய்ப்பு வழங்கப்பட்டு உள்ளது. அனைவரும் பேசி ஒவ்வொருவராக வெளியேற்றி, இந்த டாஸ்க் இறுதியில் இருக்கும் ஒரு நபருக்கு தான் இந்த பாஸ் கிடைக்கும்.

 

இதை பெறும் நபரை இனி வரும் வாரங்களில் கூட எலிமினேட் செய்ய முடியாது என்பது குறிப்பிடத்தக்கது.

இது பற்றி 8 போட்டியாளர்களும் தீவிரமாக விவாதித்து கொண்டிருப்பதும் தற்போது வெளிவந்திருக்கும் ப்ரோமோ வீடியோவில் காட்டப்பட்டு உள்ளது.

முதல் ஆளாக ஷிவானியை தான் அவர்கள் வெளியில் அனுப்பி இருக்கிறார்கள். அடுத்து ஆஜித் வெளியேறுகிறார்.

இந்த பாஸ் பெற்று இந்த சீசன் முழுவதும் இருக்கும் வாய்ப்பை பெறப்போவது யார் என்பது பற்றி தற்போது பெரிய எதிர்பார்ப்பு எழுந்திருக்கிறது.

இந்த வாரன் நடந்த நாமினேஷனில் சனம் ஷெட்டியை தான் போட்டியாளர்கள் அதிகம் பேர் நாமினேட் செய்தனர்.

அது மட்டுமின்றி சமூக வலைத்தளங்களிலும் சனம் வெளியேற தான் அதிக வாய்ப்புகள் உள்ளது என அனைவரும் தெரிவித்து வருகின்றனர் என்பதும் குறிப்பிடத்தக்கது.

நிகழ்ச்சி துவங்கியதில் இருந்தே சனம் ஷெட்டி நடிப்பது போல இருக்கிறது என பலரும் தெரிவித்தனர். அவர் சின்ன விஷயத்தை கூட ஊதி பெரிய பிரச்சனையாக்கி விடுகிறார் என்ற குற்றச்சாட்டையும் மற்றவர்கள் அவர் மீது கூறிவருவதும் அனைவரும் அறிந்ததே.

மேலும் செய்திகளை உடனுக்குடன் படிக்க, மலைஒளி Android Mobile App இனை, இங்கே கிளிக் செய்து தரவிறக்கம் செய்துகொள்ளுங்கள்.

தொடர்புடைய செய்தி

மேலும் செய்திகளை உடனுக்குடன் படிக்க, தமிழ் செய்தி Android Mobile App இனை, இங்கே கிளிக் செய்து தரவிறக்கம் செய்துகொள்ளுங்கள்.

முகப்புக்கு செல்ல

SEITHI.LK

விளையாட்டு

செய்திகள்