Save 20% off! Join our newsletter and get 20% off right away!

தனுஷ் பட நடிகரின் காரை அடித்து நொறுக்கிய தொண்டர்கள்!

கார்த்திக் சுப்பராஜ் இயக்கத்தில் தனுஷ் நடிப்பில் வெளியான ’ஜகமே தந்திரம்’ படத்தில் முக்கிய கேரக்டரில் நடித்த நடிகர் ஜோஜு ஜார்ஜ்ஜின் காரை காங்கிரஸ் கட்சியினர் நடுரோட்டில் அடித்து நொறுக்கியதால் பெரும் பரபரப்பு ஏற்பட்டுள்ளது.

கடந்த சில நாட்களாக பெட்ரோல் மற்றும் டீசல் விலை உயர்ந்து கொண்டே வருவதால் கேரளாவைச் சேர்ந்த காங்கிரஸ் கட்சியினர் நேற்று சாலை மறியல் போராட்டம் நடத்தினர். இந்த நிலையில் அந்த வழியாக நடிகர் ஜோஜு ஜார்ஜ் தனது காரில் வந்தபோது அவரது கார் தடுத்து நிறுத்தப்பட்டது.

இதனையடுத்து அவர் காரில் இருந்து கொண்டு போராட்டத்தை கைவிடுங்கள் என்றும், அவசரமாக மருத்துவமனை செல்ல வேண்டும் என்று கூறியுள்ளார். இதனால் ஆத்திரமடைந்த காங்கிரஸ் கட்சியினர் நடிகர் ஜோஜு ஜார்ஜ்ஜின் காரை அடித்து நொறுக்கியுள்ளனர். இந்த விவகாரம் கேரளாவில் பெரும் பரபரப்பை ஏற்படுத்தியுள்ளது.

நடிகர் ஜோஜு ஜார்ஜ் பத்திரிக்கையாளர்களிடம் பேட்டி அளித்த போது, “காரில் கீமோதெரபி சிகிச்சைக்காக ஒருவரை அழைத்துச் செல்வதாகவும், இந்த வெயிலில் எத்தனை பேர் கஷ்டப்பட்டுக் கொண்டிருக்கிறார்கள். நான் ஒரு குறிப்பிட்ட கட்சியினரை எதிர்த்து பிரச்னை செய்யவில்லை, பொதுமக்களுக்கு சிரமம் ஏற்படும் வகையில் அவர்கள் நடந்துகொண்டதைத் தான் தட்டிக்கேட்டேன்.

ஆனால் அதற்காக என் வயதான பெற்றோர் குறித்து அறுவறுப்பான சொற்களை பயன்படுத்தி திட்டினர். என்னை வேண்டுமானலும் அடிக்கட்டும், என் பெற்றோரை எப்படி அவர்கள் திட்டலாம்? என கேள்வி எழுப்பியுள்ளார்.

இது தொடர்பாக காங்கிரஸ் கட்சியின் கேரள மாநில தலைவர் கே.சுதாகரன் நடிகர் ஜோஜு ஜார்ஜ் ஒரு ரவுடியை போல காட்டுமிராண்டித்தனமாக நடந்து கொண்டதாக தெரிவித்தார். இந்த சம்பவம் தொடர்பாக காவல் துறையினர் விசாரணை செய்து வருகின்றனர்.

Subscribe to our Youtube Channel Appappo Cinema for the latest Kollywood updates.