Fri, May7, 2021

போதைக்காக திருடுபவர்களால் மக்கள் திண்டாட்டம்

எஹலியகொட பொலிஸ் பிரிவுக்கு உட்பட்ட பகுதிகளில், போதைப் பொருளுக்காக திருடுபவர்களால், தாம் பாரிய சிரமங்களை எதிர்கொண்டு வருவதாக, பிரதேச மக்கள் தெரிவித்துள்ளனர்.

வீடுகளிலுள்ள பெறுமதிவாய்ந்தப் பொருட்களை, போதைப் பொருள் திருடர்கள் திருடிக்கொண்டு விற்பனைச் செய்வதாக பாதிக்கப்பட்டவர்கள், எஹலியகொட பொலிஸில் முறைப்பாடு செய்துள்ளனர்.

மேற்படிப் பொலிஸ் பிரிவுக்கு உட்பட்ட பகுதிகளில், போதைப் பொருள் பாவனையாளர்களின் தொகை அதிகரித்து வருகின்ற நிலையில், போதைப் பொருட்களை வாங்குவதற்காக இவ்வாறானவர்கள் திருட்டில் ஈடுபட்டு வருவதாக, பிரதேச மக்கள் தெரிவித்தனர்.

வீடுகளில் மட்டுமன்றி வெளியே காணப்படும் பெறுமதியான உபகர ணங்கள், மின்குமிழ்கள், ஆடைகள், பூச்சாடிகள், வாகனங்களின் உ திரிப்பாகங்கள் என்பவற்றையும் இவர்கள் திருடி வருவதாகத் தெரிவிக்கப்படுகிறது.

இந்நிலைமையில் தமது வீடுகளையும் வீட்டு வளவுகளில் இருக்கும் பொருட்களையும் பாதுகாப்பதற்கும் பாரிய பிரயத்தனங்களை மேற்கொள்ள வேண்டியுள்ளதாக பாதிக்கப்பட்டவர்கள் தெரிவித்துள்ளனர்.

எனவே இது தொடர்பில் பொலிஸார் உரிய நடவடிக்கை எடுக்க வேண்டும் என்றும் பாதிக்கப்பட்டவர்கள் கோரிக்கை விடுத்துள்ளனர்.

மேலும் செய்திகளை உடனுக்குடன் படிக்க, மலைஒளி Android Mobile App இனை, இங்கே கிளிக் செய்து தரவிறக்கம் செய்துகொள்ளுங்கள்.

தொடர்புடைய செய்தி

மேலும் செய்திகளை உடனுக்குடன் படிக்க, தமிழ் செய்தி Android Mobile App இனை, இங்கே கிளிக் செய்து தரவிறக்கம் செய்துகொள்ளுங்கள்.

முகப்புக்கு செல்ல

SEITHI.LK

விளையாட்டு

செய்திகள்