சிம்மம் நவம்பர் மாத பலன் – Leo November Month Horoscope
சிம்ம ராசிக்கு இந்த மாதம் நிழக இருக்கும் குரு பெயர்ச்சி மிக உன்னதமான பலன் தரக்கூடியதாக இருக்கும். குருவின் நேரடி 7ம் பார்வை உங்கள் ராசி மீது விழுவதால் பெரிய நல்ல மாற்றங்கள் ஏற்படும். நீங்கள் எடுக்கும் எந்த ஒரு முயற்சிகளுக்கும் நல்ல பலன் கிடைக்கும்.
நினைத்த நேரத்தில் காரியத்தை முடிக்கக்கூடிய ஆற்றல் பிறக்கும். புதிய முயற்சிகளும், திட்டங்களையும் செயல்படுத்துவீர்கள். தொட்டதெல்லாம் துலங்கக்கூடியதாக இருக்கும். உங்கள் மனதில் இருந்த தேவையற்ற பயம், சந்தேகம் நீங்கும். ஒரு தெளிவான மன நிலையில் செயல்களை செய்வீர்கள்.
குடும்பத்தில் இருந்த கருத்து வேறுபாடுகள் நீங்கும். சுப காரிய நிகழ்ச்சிகளை எதிர்பார்க்கலாம். சுப காரிய தடை நீங்கும். வாழ்க்கைத்துணையுடன் இருக்கும் மனஸ்தாபம் நீங்கும்.
தொழில், வியாபாரம் சார்ந்த எந்த ஒரு புது முயற்சிகள், முதலீடுகள் செய்யலாம். அதன் மூலம் நல்ல அனுகூல பலன்களைப் பெற முடியும். உங்கள் கூட்டாளிகளுடனான முரண்பாடு நீங்கி ஒற்றுமையுடன் செயல்படுவீர்கள்.
உத்தியோகத்தில் மேலதிகாரிகளுடனான பிரச்னைகள் நீங்கும். சக ஊழியர்கள் உங்களிடம் அனுகூலமாகவும், ஆதரவாகவும் செயல்படுவர்.
ராசி நாதன் சூரியன் ராசிக்கு 4ம் இடத்திலிருந்து உங்கள் தொழில் ஸ்தானத்தைப் பார்ப்பதால், தொழில் சார்ந்த முன்னேற்றங்கள் நிச்சயம் உண்டு. பெண்களுக்கு நற்பலன்கள் உண்டாகும்.
சந்திராஷ்டம தினங்கள்: 14, 15, 16
மேஷம், ரிஷபம், மிதுனம், கடகம் ராசிக்கான நவம்பர் மாத ராசி பலன் 2021
கன்னி நவம்பர் மாத பலன் – Virgo October Month Horoscope
கன்னி ராசி அதிபதி புதன் பகவான் ஆட்சி உச்சம் பெற்று ராசியிலேயே அமர்ந்திருப்பதோடு, மூல திரிகோணத்தில் மிகவும் பலமாக அமர்ந்திருக்கிறார்.
உங்கள் குடும்பத்தில் சிறு சலசலப்பு இருக்கக்கூடும். குடும்பத்தில் மகிழ்ச்சியின்மையுடன் இருப்பதாகத் தோன்றும். இருப்பினும் உங்களின் பணியிடம் உள்பட சுற்றியுள்ள இடங்களில் மகிழ்ச்சியான நிகழ்வுகள் நடக்கும்.
உங்கள் பேச்சில் நிதானமும், மென்மையும் தேவை. வீண் பேச்சால் குழப்பமும், சில தடங்கல்களும் ஏற்படும். அதனால் தேவையற்ற மன உளைச்சல் ஏற்படும்.
பிள்ளைகள் வழியில் உங்களுக்கு மகிழ்ச்சியான நிகழ்வும், தனம் பெருகுவதாக இருக்கும். அதே சமயம் அவர்களின் ஆரோக்கியத்தில் கவனம் தேவை.
கேது 3ல் இருந்து பல நன்மைகளைத் தருவார். ஐப்பசி மாதத்தில் தந்தையின் ஆரோக்கியம் சிறப்பாக இருக்கும் என்றாலும், கார்த்திகை மாதத்தில் தந்தையின் ஆரோக்கியத்தில் கூடுதல் கவனம் தேவை.
2ம் வீட்டு அதிபதி சுக்கிரன் 4ம் வீட்டில் இருப்பதால் வண்டி, வாகனம் வாங்கு வாய்ப்பும், அதன் வகையில் சுகமும் கிடைக்கும்.
குடும்பத்தில் சுப நிகழ்வுகள் நடக்கும். பணியிடத்தில் மனமகிழ்ச்சி இருக்கும். உங்களின் நிதி நிலைமை சிறப்பாக இருக்கும் என்பதால் கடன் தொல்லை குறையும்.
அதே சமயம் மாதத்தின் பிறகுதியான கார்த்திகை மாதத்தில் குரு 6ம் இடத்திற்கு செல்வதால் உங்களின் துணையின் ஆரோக்கியத்தில் கவனம் தேவை. அந்த வகையில் செலவுகள் ஏற்பட வாய்ப்புள்ளது.
சந்திராஷ்டம தினங்கள்: 16, 17
Subscribe to our Youtube Channel Appappo Cinema for the latest Kollywood updates.
Leave a Reply
View Comments