Fri, May7, 2021

‘கிரிக்கெட்டிலிருந்து ஓய்வு’… திசார பொரேராவின் அறிவிப்பால் சோகத்தில் ரசிகர்கள்!

இலங்கை அணியின் பலம் வாய்ந்த ஆல்-ரவுண்டராக திகழ்ந்து வந்த திசாரா பொரேரா, சர்வதேச கிரிக்கெட்டிலிருந்து ஓய்வு பெறுவதாக அறிவித்துள்ளார்.

இதுகுறித்து கடிதம் மூலம் இலங்கை கிரிக்கெட் வாரியத்திற்கு தெரிவித்துவிட்டதாகத் தகவல் வெளியாகியுள்ளது.

32 வயதாகும் பொரேரா, சர்வதேச கிரிக்கெட்டிலிருந்து மட்டுமே ஓய்வு பெற்றுள்ளதாகவும், அணி உரிமையாளர்கள் நடத்தும் கிரிக்கெட் தொடர்களில் தொடர்ந்து பங்கேற்பார் எனவும் தெரிவிக்கப்படுகின்றது.

இவர், லங்கா பிரிமியர் லீக் தொடரில் ஜப்னா ஸ்டல்லியன்ஸ் அணிக்காகக் கடந்த சீசனில் பங்கேற்றார். எதிர்வரும் சீசனிலும் பங்கேற்பது உறுதியாகியுள்ளது.

பொரேரா, இதுவரை 6 டெஸ்ட் போட்டிகளில் மட்டும் பங்கேற்று 203 ரன்கள், 11 விக்கெட்களை சாய்த்துள்ளார்.

ஒருநாள் கிரிக்கெட்டில் 166 போட்டிகளில் களமிறங்கி 2,338 ரன்களும், 175 விக்கெட்களையும் கைப்பற்றியுள்ளார். டி20 கிரிக்கெட்டில் 51 விக்கெட்கள், 1,204 ரன்கள் விளாசி, பலமிக்க ஆல்-ரவுண்டராக திகழ்ந்து வந்தார்.

ஐபிஎல் தொடரில் 2016ஆம் ஆண்டு வரை பங்கேற்ற இவர் சென்னை சூப்பர் கிங்ஸ், கொச்சி டஸ்கர்ஸ் கேரளா, ரைஸிங் புனே சூப்பர்ஜெயிண்ட்ஸ் அணிகளுக்காக விளையாடியுள்ளார்.

2014ஆம் ஆண்டில் நடைபெற்ற டி20 உலக கோப்பையில் இலங்கை அணி வெற்றிபெற்றபோது, அந்த அணியில் இடம்பெற்றிருந்தார்.

இவருக்கு தற்போது 32 வயதாகும் நிலையில் திடீரென்று ஓய்வு அறிவிப்பை வெளியிட்டுள்ளதால் ரசிகர்கள் சோகத்தில் ஆழ்ந்துள்ளனர்.

தொடர்புடைய செய்தி

மேலும் செய்திகளை உடனுக்குடன் படிக்க, தமிழ் செய்தி Android Mobile App இனை, இங்கே கிளிக் செய்து தரவிறக்கம் செய்துகொள்ளுங்கள்.

முகப்புக்கு செல்ல

SEITHI.LK

விளையாட்டு

செய்திகள்