Wed, Sep28, 2022
Homeசெய்திகள்மாணவனிடம் மசாஜ் செய்ய சொன்ன ஆசிரியை... வைரல் வீடியோ!

மாணவனிடம் மசாஜ் செய்ய சொன்ன ஆசிரியை… வைரல் வீடியோ!

HTML tutorial

உத்திரபிரதேச மாநிலம் ஹர்தோய் மாவட்டத்தில் உள்ள தொடக்கப் பள்ளி ஒன்றில் ஆசிரியர் ஒருவர் குழந்தைகளுக்கு பாடம் சொல்லித் தராமல் ஒய்யாரமாய் நாற்காலியில் அமர்ந்து கொண்டு மாணவர் ஒருவரை தன் கைகளுக்கு மசாஜ் செய்யுமாறு வற்புறுத்திய வீடியோ ஒன்று சமூக வலைதளங்களில் வைரலாக பரவி வருகிறது.

மாதா பிதா குரு தெய்வம் என்று கூறுவார்கள். ஆசிரியர் என்றால் தெய்வத்திற்கு முன்னால் என்று சிறுவயதில் இருந்தே நமக்கு கற்றுக் கொடுத்து வளர்ப்பார்கள்.‌ காரணம் நாம் எவ்வளவு உயர்ந்த நிலைக்கு சென்றாலும் அதற்கு ஆசிரியர்களே முழுமுதற் காரணமாக இருப்பார்கள். அவ்வளவு மதிப்பு மிக்க ஒரு பணியை செய்யும் ஆசிரியர் ஒருவரே சிறுவன் என்றும் பாராமல் மாணவரை தன் கைகளுக்கு மசாஜ் செய்ய சொன்னது பலரையும் அதிர்ச்சிக்கு ஆளாக்கியுள்ளது.

ட்விட்டரில் உலா வரும் அந்த வீடியோவில், வகுப்பறையில் ஆசிரியர் ஒருவர் பாடம் எடுக்காமல் சாவகாசமாக நாற்காலியில் அமர்ந்து கொண்டு சின்னஞ்சிறு மாணவர் ஒருவரை தனக்கு மசாஜ் செய்யுமாறு மிரட்டுவதையும் அந்த குழந்தை பயந்து போய் ஆசிரியரின் கைகளுக்கு மசாஜ் செய்வது போலவும் காட்சிகள் உள்ளன.

அந்த வீடியோ தான் தற்போது சமூக வலைதளங்களில் வைரலாகி வருகிறது. இது குறித்து அந்த மாவட்ட தொடக்கக் கல்வி அதிகாரிகள் விசாரணை செய்து அந்த ஆசிரியரை பணி நீக்கம் செய்துள்ளனர். விசாரணையில் அந்த ஆசிரியரின் பெயர் ஊர்மிளா சிங் என்றும் அவர் ஹர்தோய்‌‌ மாவட்டத்தில் உள்ள தொடக்கப்பள்ளி ஒன்றின் ஆசிரியர் ஒன்பதும் தெரிய வந்துள்ளது.

இந்த சம்பவத்தை கல்வியாளர்கள் பலரும் வன்மையாக கண்டித்துள்ளனர். ட்விட்டரில் இந்த வீடியோவை பதிவிட்டு மாணவனிடம் மசாஜ் உத்திரபிரதேச ஹர்தோய் மாவட்ட ஆசிரியர் ஒருவர் மாணவனிடம் மசாஜ் செய்துக் கொண்டிருக்கிறார் என்று பகிர்ந்துள்ளனர். மேலும் ட்விட்டரில் இந்த வீடியோவை மறுபதிவிட்டு நெட்டிசன்கள் அந்த ஆசிரியரை விமர்சித்து வருகின்றனர்.

அண்மைய செய்திகள்

இதயும் பாருங்க