Mon, Dec5, 2022

#Trending

பெண்களுக்கு தாலி தொடர்பான கெட்ட கனவுகள் வந்தால்?

ஒரு பெண் எத்தனை நகை அணிந்திருந்தாலும் நம் பாரம்பரியத்தை எடுத்துக்காட்டும் விதமாக மஞ்சள் கயிற்றில் திருமாங்கல்யத்தைக் கட்டிக்கொள்வதே சிறப்பாகும். அத்தகைய தாலியை கழற்றுவதுபோல கனவு கணடால் என்ன பலன் கிடைக்கும் தெரியுமா?

கழுத்தில் எத்தனை வகையான நகைகள் அணிந்தாலும், மஞ்சள் சரடினால் ஆன தாலியை அணிந்தால் அதன் மகத்துவம் தனி தான்.மஞ்சள் நனைத்த கயிற்றில் தாலி அணிவதே சிறப்பாகும். அதுவே நம் பாரம்பரியமுமாகும்.

அத்தகைய சிறப்பு வாய்ந்த தாலி , திருமண மோதிரம், மெட்டி, குங்குமம், மாலை போன்றவை தவறுவது போல் கனவு கண்டால் உடனே அது மனதுக்கு அபசகுனமாக தான் தோன்றும். அது இயல்பாகவே நமக்குள் வந்துவிடும் ஒரு தடுக்க முடியாத உணர்வு. பதற்றம் அந்த சமயத்தில் அதிகமாக இருக்கும். அந்த அளவிற்கு பயப்பட வேண்டிய அல்லது பதட்டப்பட வேண்டிய அவசியம் கிடையாது என்கிறது சாஸ்திரம்.

அப்படியெனில் தாலி கழற்றுவது போன்ற கனவு என்ன மாதிரியான பலன்களை தரும்? திருமணமான பெண்ணுக்கு இந்த கனவு வந்தால் என்ன அர்த்தம்? அதுவே திருமணமாகாத பெண்ணுக்கு இந்த மாதிரியான கனவு வந்தால் அதற்கு என்ன அர்த்தம்? இது போன்ற கனவு, நல்லது நடப்பதற்குரிய அறிகுறியா? அல்லது அபசகுணமா? என்பதை இந்தப் பதிவின் மூலம் விரிவாக தெரிந்துக் கொள்ளலாம்.

திருமணமான பெண்ணிற்கு இது போன்ற ஒரு கனவு வருவது என்பது சாதாரண விஷயம் தான். அவள் மனதில் இருக்கும் கணவன் மீதான அதிருப்தி காரணமாக இருக்கும். ஆனால் திருமணமாகாத பெண்ணுக்கு இது போன்ற கனவு வருவது சாதாரண விஷயம் அல்ல.

திருமணம் ஆகாத ஒரு பெண்ணிற்கு தாலியை கழற்றுவது போன்ற கனவு வருவது இயற்கைக்கு மாறானது. காரணம் அதைப் பற்றிய எந்த ஒரு சிந்தனையும் அவர்களுக்கு நிச்சயம் இருப்பதில்லை. பின் ஏன் அப்படி ஒரு கனவு வர வேண்டும்? திருமணம் பற்றிய ஏதோ ஒரு பயமும், பதற்றமும் அவளையும் அறியாமல் ஆழ்மனதிற்குள் இருக்கும்.

அதனால் அவர் வரன் பார்த்துக் கொண்டிருந்தால் அதை உடனே நிறுத்திக் கொள்வது நல்லது. அந்த சமயத்தில் இது போன்ற கனவுகள் வந்தால் உள்மனம் உங்களுக்கு எதையோ உணர்த்துகிறது என்பது தான் அர்த்தம். திருமணம் பற்றிய ஆபத்தை இந்த கனவு குறிக்கிறது. இந்த சமயத்தில் வரன் பார்ப்பதை தள்ளிப்போடுவது மிகவும் நல்லது.

கூகுள் செய்திகள் பக்கத்தில் மலைஒளி இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.

#Celebrities